17 Maart 2014 ~ 40 Kommentare

Word eers polities siek

Geskryf deur John Strydom

Ek het heelwat ondervinding van een van die mees kosbare skatte op die planeet: gesondheid.

Een van die feite wat my telkens tref is dat mense selde oor hulle gesondheid bekommer behalwe wanneer dit te laat is of wanneer hulle gewig wil verloor ter wille van hulle voorkoms. Dit is absoluut oorbekend dat groente, neute en vrugte voorkeurkos vir mense is, en dat vleis meesal die potensiaal het om by te dra tot vroeër veroudering en afname in lewensgehalte. Almal weet dat lekkers, koeldrank, diervet, verwerkte kosse, sigaretrook, oormaat alkohol en diesulkes baie sleg is vir gesondheid, en tog word miljoene Rande daagliks daaraan bestee.

My logiese afleiding is dat mense eenvoudig nie proaktief optree nie. Hulle reageer nadat hulle siek geword het.

Dit lyk my of hulle in ‘n politieke sin presies dieselfde optree. Ek hoor en sien daagliks hoe mense rasionaliseer: hoekom hulle eerder in hulle gevaarlike woonbuurte moet aanbly, hoekom riskante beroepe nie laat vaar kan word nie; hoekom hulle nie sonder slawe kan oorleef nie; hoekom …

Dit pas my nogal. Wat my betref is Orania klein, intiem en ondersteunend. Veilig, vriendelik en interessant. Ons het te min mense vir ‘n universiteit, skaatsbaan en snelweë. Ek weet dat ons MOET groei teen ‘n duiselingwekkende tempo as ons voorsiening wil maak vir al die Afrikaners wat hierheen (oa) sal wil vlug as Afrika sy tantrum gooi. Ek weet dat ons moet groei totdat kinders hier volledig tot by die grootste grade opgevoed kan word en hulle persoonlikhede ryp genoeg is om die wye wêreld te hanteer. Ek weet ook dat dit SAL gebeur.

Mag my lewe teen daardie tyd egter grootliks verby wees. Ek wil dit baie graag sien maar nie noodwendig beleef nie!

Deel/Stuur

40 Reaksies op “Word eers polities siek”

  1. Simon 18 Maart 2014 at 01:22 Permalink

    Die is baie waar.

    “Ek hoor en sien daagliks hoe mense rasionaliseer: hoekom hulle eerder in hulle gevaarlike woonbuurte moet aanbly, hoekom riskante beroepe nie laat vaar kan word nie; hoekom hulle nie sonder slawe kan oorleef nie; hoekom …”

  2. Estelle van Wyk 18 Maart 2014 at 12:14 Permalink

    Dr John, Ek waardeer jou skrywe altyd terdee! Jy is opreg in wat jy neerpen met jou skrywes. Jip ek stem 100% saam. Baie dankie vir jou insette dit word opreg waardeer. Mag ORANIA net van krag tot krag gaan. Vriendelike groete. Die van Wyk’s

  3. willem van staden 18 Maart 2014 at 12:56 Permalink

    Hi John, baie mense het al die einde van die wereld voorspel, ek wil net soos jy nie met die tantrum van Afrika nie meer hier wil wees nie, ook klaar by Jesus wees en nie meer hier nie

  4. Lance 18 Maart 2014 at 14:04 Permalink

    En ipv om my “twee sent” hier te plaas: Weet julle, hoe ongelooflik IRRITEREND hierdie HELSE groot baniere langs die kant is wat so FLIKKER~!!!!!!!!!!!!!!!!! Ek kan die goed wat in my keel afgedruk word, nie toemaak nie. Dit is in GROOT SKEEUENDE helder kleure. (En ja – advertensies betaal en bring inkomste) Maak ‘n plan met die goed asseblief.

  5. Andre 18 Maart 2014 at 14:38 Permalink

    @Lance. Google search “ad blocker” dan “instal” dit. Ek sien dit gald nie op my skerm nie maar weet warvaan jy praat.

    Hi John, Ek sien gereeld dat mense op die onderwerp knopies druk:

    “hoekom riskante beroepe nie laat vaar kan word nie; hoekom hulle nie sonder slawe kan oorleef nie; hoekom … ”

    Het jy al besef dat nie almal wat nie in Orania bly nie, nie slawe het nie? Ek en my vrou doen dit vir ons self, nog al die jare, my moeder het my so geleer, geen kombuis vrou, geen tuinier.

    My beroep? Nee ek kan nie dit prys gee nie want dis immers die kos op my gesin se tafel.

    Nee ek wil ook nie graag sien as Afrika sy tantrum gooi nie, maar ek kan op n klip gaan sit en wonder hoe ek vir my gesin gaan sorg tot die dag wat die tantrum gegooi word nie.

    Laaste, sou die Afrikaner volk wat in my skoen is Orania toe vlug gaan dit n probleem wees vir julle inwoners? Waarvoor is ons uitwoners dan nou goed voor???

    • Lance 21 Maart 2014 at 03:38 Permalink

      dankie Andre – ek het nie iets gedoen nie, maar die ads is nou weg. Sou dit weer opkom, sal ek die voorstel onthou.

  6. Johann Venter 18 Maart 2014 at 19:28 Permalink

    Baie lankal wou verhuis na Orania na vele oorwegings en besoeke daar. Kan dit netnie bekostig as pensionaris om vanaf R925 000 te betaal vir ‘n woning wat my geval nie. Kan ook nie daar kamp teen die tariewe nie. Dis so jammer. Kamp in KZN vir R1690 per maand.
    Is wel lid van Orania Beweging.
    Groete
    Johann

    • Jaco Kleynhans 19 Maart 2014 at 11:41 Permalink

      Johann. Dankie vir die ondersteuning. Dit is jammer dat jy nie hier kan vestig nie, maar ons het begrip daarvoor. Eiendomspryse in Orania is ongelukkig redelik hoog, maar daar is min wat ons daaraan kan doen. Die beste wat ons kan doen is om meer beleggers aan te moedig om nuwe huise te bou, maar boukoste is ook baie hoog. Ons het ongelukkig nie die voordeel wat die meeste ander dorpe en stede het met ‘n groot aantal bestaande geboue nie. Alle uitbreiding in Orania vereis die bou van nuwe huise, winkels, ens.

  7. Wim 19 Maart 2014 at 08:21 Permalink

    Ons bydraes is goed en moet heeldag hoor werf nog uitwoners,maar ek sien en baie van my vriende met wie ek gesels oor Orania se woorde word nou waar.Die ek was eerste hier moet nie dink julle gaan n sê hier kom hê as daar moeilikheid kom nie,betaal net julle maandelikse bydrae en verder bly stil.Net n beskeie mening.

    • Jaco Kleynhans 19 Maart 2014 at 11:31 Permalink

      Wim. Ek verstaan nie lekker jou opmerking nie. Ons het groot waardering vir elke uitwoner en is passievol (soos wat mens uit John se skrywe kan aflei) om julle ook hier te kry. John wil natuurlik graag sien dat meer uitwoners vinniger hier kom woon, maar ons besef ook dat dit nie onmiddellik vir almal moontlik is nie.

  8. Eizma 19 Maart 2014 at 09:40 Permalink

    Ek hou nie van “tussen die lyne” skimpe nie maar wat el hier lees is – as jy nou in Orania bly nie is hierdie paadjie vir jou toe as daar die dag probleme is. Sjoe! Watter tipiese Afrikaner gesindheid is dit?! Ek hoop die dag as die tantrum in volle swang is, gaan julle spesiale uitgesoekte elite in Orania julle self sal kan beskerm .teen die aanslag. Ek kanselleer vandag al my bydraes wat ek maandeliks aan Orania maak. Ek het gedink ek doen op my beskeie manier n finansiele bydra tot Orania om n toekoms vir die Afrikaner te veseker maar duidelik mors ek my bietjie geld. Dr, het jy dalk daaraan gedink dat baie van ons mense daarheen wil verhuis maar dit nie an bekostig nie? Jull beskuldig ons van gemaksug en dat ons kapitalisties is. Die grootste kapitaliste is in OOrania self. Die pryse vir die huise daar is belaglik hoog. Gesien in die lig van die ekonomie, wat regverdig die buitensporige pryse op die huise daar? Ek het nie n probleem om in n tydelike tipe struktuur huis te bly nie maar om daardie pryse te betaal, is nie realisries nie. Baie dankie dr vir “eye opener.” Ek moes maar geluister het toe mense sè dat Orania is nie wat dit voorgee om te wees nie.

    • Jaco Kleynhans 19 Maart 2014 at 11:28 Permalink

      Elizma. Sal jy graag wil sien dat ons sosialisme in Orania instel en dan huispryse reguleer? Huispryse word tog deur vraag en aanbod bepaal – so juis deur mense van buite wat na Orania wil kom en dus bereid is om hoër pryse te betaal. Hoe moet instellings soos die Orania Beweging dit volgens jou beïnvloed?

    • Simon 21 Maart 2014 at 23:25 Permalink

      Een moontlike voorstel vir die eiendoms koste tameletjie is as ‘n persoon of ‘n groep mense ‘n meer bekostigbare stuk grond naby Orania koop en dit dan met Orania (dorp) affilieer, sodoende word die volkstaat ook uitgebrei.

      • Jaco Kleynhans 22 Maart 2014 at 06:50 Permalink

        Simon die probleem daarmee is dat al die grond om Orania landbougrond is en dat dit baie moeilik en duur is om by die regering toestemming te kry om landbougrond te hersoneer. Om residensiële ontwikkeling op landbougrond te doen is onwettig en kan baie probleme oor die langtermyn veroorsaak.

        • Simon 25 Maart 2014 at 01:23 Permalink

          Hoe ver soos die kraai vlieg sal die eerste nie landbou grond beskikbaar wees?

          Bedoel jy met landbougrond, grond vir gewas aanplanting of sluit dit grond vir weiding ook in?

          Wat gebeur met die landbou grond rondom Orania sou ondergenoemde hopelik gouer as later realiseer?

          “ons wil binne die volgende paar jaar van Orania ‘n klein stad met ‘n Afrikaanse universiteit, privaat mediese sorg en alles wat ons mense nodig het om makliker hier te vestig, hê.”

          • Jaco Kleynhans 25 Maart 2014 at 08:19 Permalink

            Simon. Binne die bestaande dorpsgebied (dus grond wat gesoneer as as dorpsgebied) is daar genoeg grond om in ons opinie tussen 10 000 en 20 000 mense te vestig. Dit sal wel heelwat verdigting vereis, maar is heeltemal moontlik. Wat landbougrond om ons aanbetref is ons almal dit eens dat ons moet probeer om die soveel moontlik grond (veral dié wat tans direk aanliggend tot ons dorpsgebied is en wat nie aan ons behoort nie) aan te koop. Die beste voorbeeld hiervan was die aankoop van Vluytjeskraal Noord so twee jaar gelede. Die proses wat hulle nou stap om ‘n deel van jul grond te laat hersoneer sal vir ons ‘n goeie les wees. Dit is ‘n moeisame en duur proses. Juis daarom sal erwe op VKN ook nie goedkoop kan wees nie. Grond vir gewasaanplanting is vir die kort tot medium termyn uit. Van die swakste weidinggrond in die omgewing sal waarskynlik die maklikste wees om gehersoneer te kry, maar dan sal die ontwikkeling daarvan steeds duur wees. Ek dink dus dat ons eerder moet kyk na verdigting in dele van die bestaande dorpsgebied waar ons reeds dienste naby beskikbaar het.

  9. Andre 19 Maart 2014 at 10:25 Permalink

    Sal john soo gaaf wees om al die komentaar te reageer. Want op die oomblik sien ek Orania soos volksveraaiers.

    My beroep bestaan nie eers op Orania nie!?!?! Wat gaan ek doen as ek daarheen verhuis??? Op die welsyn se nek le???

    Julle is soos die “mighty Americans” Kritiseer almal, suig Afrikaners se beursies, smeer heuning oor ons lippe en trek wol oor ons oe terwyl julle dink julle is ontasbaar. In dieselfde asem vertel julle vir my dat julle nie sou kon doen wat julle gedoen het was dit nie vir ons uitwoners nie. Julle trek mos voordeel uit ons “riskante beroepe” uit?

    Jy Johan moet wakker skrik. Die Afrikaner volk draai nie om Orania nie. Ek is saam met Elizma, ek will niks meer vir julle gee nie, niks met julle te doen he nie.

    Julle maak staat op die Afrikaner se bekomernise om julle vol geld te stop.

    • Jaco Kleynhans 19 Maart 2014 at 11:33 Permalink

      Andre. As jy ons volksverraaiers wil noem sal jy darem billik moet wees om duidelike redes te gee waarom jy so ‘n totaal onbillike uitspraak maak.
      Natuurlik verstaan ons dat baie beroepe nog nie in Orania is nie en dat dit vir baie van ons mense nog byna totaal onmoontlik is om hier te vestig. Ons het begrip daarvoor!
      Ons het ook geen behoefte om ons eie mense te kritiseer nie en ek dink nie jy moet John se kommentaar in daardie gees lees nie. Sy artikel is eerder ‘n soort emosionele betoog op uitwoners om vinniger planne te maak om wel een of ander tyd hier te vestig.
      Niemand het gesê die Afrikanervolk draai om Orania nie, maar dat ons graag ‘n verskil wil maak en ‘n alternatief vir ons mense wil bied is ‘n feit.

      • Andre 19 Maart 2014 at 12:42 Permalink

        Hi Johan.

        Ek dink John se poging om mense viniger daar te kry is n vlou verskoning. Ek noem julle volksveraaiers op grond van:

        Dat hy (Johan) duidelik sy frustasies uitlaat oor die mense nie vinig goenoeg daarheen gaan nie, maar as “Afrika tantrum” gebuer dan wil ons te laat reageer en dan daarna toe wil gaan.

        Ek sien dit in die volgende lig. Uitwoneers is goed genoeg om hulle maandlikse lidmaatskap te betaal wat gaan vir die voordeel van die volkstaat. Sou dit gebuer en ons moet ons gesine ontruim agv politiese redes en wel na Orania toe sal wil vlug ons n toe deur gaan kry. Want ons kon net nie ons werke, huise en slawe laat vaar nie.

        As julle dan nou begrip het oor beroepe wat taans nie in Orania is nie hoekom word daar telkemale daarop gemik, ek sou lankal daarna toe getrek het as ek daar kon werk kry. Ek sien dit as die mense van Orania op ons afkyk oor daai drie aspekte. Oor soveel dit reeds gedoen en reg gekry het, hoekom kan die ander nie?

        N emosionele betoog? Wel hy het geslaag, want soos ek en die meerderhied van my vriende wat verlang na die Kanaan land kan ons nie. Kan julle dit dan nie verstaan dat n mens nie net soontoe kan gaan en dan in julle oe kyk vir die welvaart van ons gesine nie?
        Terwyl ons stresvolle leefstyle buite Orania moet voortgaan en dan gaan mense soos John en beleedig ons bestaan? Oor ons nie in Orania is nie?

        • Jaco Kleynhans 19 Maart 2014 at 12:54 Permalink

          Andre. Ek stem eintlik met jou oor bykans alles saam. Ons het volle begrip dat baie mense soos jy nie nou hierheen kan kom nie. Ons maak wel sterk staat op uitwoners soos julle om te help om Orania nou te versterk en wanneer uitwoners soos julle wel Orania toe wil/kan/moet kom sal ons (en dit is waar ek waarskynlik met jou verskil) julle verseker nie die deur wys nie. Dit is dan juis waarom ons van uitwoners praat. Julle is reeds deel van Orania nog net nie in permanente teenwoordigheid nie. Moet dus asseblief nie John se artikel verkeerd verstaan nie. Hy verwys eintlik glad nie (dit is hoe ek dit lees) na uitwoners nie, maar wel na apatiese Afrikaners wat eintlik geen bydrae tot selfbeskikking lewer nie.

          • Sebastiaan 26 Maart 2014 at 12:11 Permalink

            My beskeie mening: niemand kritiseer die uitwoners nie want hulle is die mense wat Orania help bou en juis daarvoor vir hullseself ‘n plek help skep wat hulle of hulle kinders kan akkommodeer. Dit hoef nie noodwendig net te wees as ‘n toevlugsoord nie, dit kan ook wees as ‘n plek waar die kind sy opleiding kry, werk doen, die gesin vakansie hou ens. Orania se standpunt was nog altyd dat die Afrikaner wat nog in Suid-Afrika leef en werk, en moontlik altyd daar sal leef en werk, ‘n bydrae moet maak om Orania te bou terwyl Afrikaners nog finansieel daartoe in staat is. Die kritiek, soos ek dit verstaan, is gerig op Afrikaners wat nie omgee vir Orania nie en ons net slegsê. Die uitwoners is juis die mense wat iets doen, synde finansieel, synde deur die volkstaat-konsep aan mense te verduilik en om vir Orania en sy strewe op te kom. Mense, bly Orania ondersteun. Dit is vir my hartseer as uitwoners nou te na gekom voel. Ons waardeer julle, sonder julle was Orania nie op die vlak waar dit nou is nie.

  10. John 19 Maart 2014 at 11:35 Permalink

    Dankie vir die lewendige deelname! Ek gaan ‘n bietjie meer uitgebreid reageer met die hoop dat ons sinvol kan gesels hieroor- dis nogal belangrik.

    Eerstens: die doel van die artikel was om te wys op my voorkeur vir kleiner, meer intieme gemeenskappe. Toe ons hier ingetrek het was daar waarskynlik maar 150 inwoners en almal het mekaar geken en was by mekaar betrokke. Die dorp was woes en leeg en daar was geweldig baie te doen.Ek mis die feit dat ek almal geken het!

    My tweede stelling was dat baie mense nie betyds op seine reageer nie. Elke enkele Suid-Afrikaner is deel van die land en behoort omstandighede te beoordeel en SELF sy koers te bepaal: watter kant toe ook al. Baie mense (veral blankes) kyk daarna en besluit dat hulle die risikos aanvaar, en bly waar hulle is. Vir hulle het ek respek! Dan is daar ander wat, soos julle dalk, WEL dink en beplan maar praktiese probleme het met verhuising: vir hulle het ek respek. Ek glo julle sal wel verhuis wanneer omstandighede reg is. Met wie ek (eintlik net skuinsweg in hierdie artikel)verskil, is diegene wat sonder om ‘n tweede gedagte daaraan te gee, die huidige vet van Suid-Afrika geniet en dan, wanneer probleme onverwags kom, verwag dat Orania vir hulle moet “regstaan” sonder dat hulle ooit ondersteun of belang gestel het.

    As agtergrond: Orania (Dorpsraad) en die Orania Beweging is twee heel verskillende instellings. Orania Dorpsraad is die “munisipaliteit” wat bloot dienste lewer en infra-struktuur skep. Hulle kies jaarliks ‘n direksie en elke aandeelhouer het inspraak op meer as een manier.

    Die Orania Beweging is ‘n lede-organisasie wat veral twee dinge doen: die Orania idee reklameer en skakelwerk doen, en ook die politieke (eintlik filosofies-kulturele) gedagte bedink en bevorder. Hulle werf lede en die diens wat hulle lewer bevoordeel nie net Orania nie, maar elke Afrikaner in die land, of hulle geld bydra of nie. Dit beteken nie hulle het invloed by alle Afrikaners, of skryf vir hulle voor nie. Terloops, elke lid het WEL inspraak en die jaarlikse vergadering waar alle lede welkom is, vind vroeg in Mei plaas: alle lede ontvang kennis daarvan. Ledegeld word nie gebruik om dienste te befonds of voordeel te bring vir enige Oraniër nie (behalwe natuurlik waar salarisse of kontrakgelde betrokke is).

    Wat “slawe” betref het ek dit teen misbruik van enige persoon wat arbeid verrig of ‘n werknemer is: om mense in diens te hê, ordentlik te betaal en te behandel is ‘n integrale deel van die ekonomie en daarteen het ek geen klagte nie. Ek gebruik juis die woord “slawe” om aan te dui dat daar mense is wat werkers misbruik of nie ordentlik behandel nie. Ek is persoonlik ‘n groot voorstaander van selfwerksaamheid, maar Orania se beleid sluit in om mense van jou kultuurgroep te bemagtig: na my mening onontbeerlik, veral in ons tydsgewrig.

    Wat huispryse betref: elke eiendom se verkoopsprys word hier deur die eienaar (en die mark) bepaal: Orania het geen seggenskap daaroor nie. Orania kry ook niks daaruit nie: die verkoper kry die geld.

    Ons Dorpsraad doen terloops al sy werk met net die inwoners se heffings: daar is geen Staatshulp nie.

    Dus:as ek ‘n voorstel mag maak, kom ons gebruik ons tyd en geleenthede positief: ons moet ons omstandighede verbeter, en die kans dat die Staat dit gaan doen is nie baie goed nie. Hoe dit gedoen kan word is ek oop voor!

    Dankie vir julle deelname.

  11. Eizma 19 Maart 2014 at 12:54 Permalink

    John, ek verstaan dat julle ni beheer oor die eiendom se pryse het nie en dat julle nie die mense kan dwing om die pryse te verlaag nie. Maar, dit is reeds hierdie uitermate hoë pryse wat die meeste van ons verhinner om na Orania toe te trek. My man het 2 jaar oor dan is hy op pensioen. Teen daardie tyd is my huis hier ook klaar betaal. Vir ons om Orania toe te verhuis en finansieel onafhanklik te wees, het ons sy volle pensioen nodig. My besigheid kan ek egter van enige plek af bedryf maar sie grootste probleem bly egter die pryse van die eiendom. Ek persoonlik glo dat dit een van die faktore is wat bydrae dat mense nie na Orania kan verhuis nie.

    • Jaco Kleynhans 19 Maart 2014 at 13:09 Permalink

      Elizma. Jy is 100% reg. Hoë huispryse is tans een van die grootste struikelblokke vir groei in Orania. Die Orania Beweging en Orania Dorpsraad kan egter nie vreeslik baie daaraan doen nie. Die oplossing lê in die privaatsektor waar meer ontwikkelaars nuwe huise moet bou sodat pryse van bestaande huise afgedwing kan word. Wat ons kan doen en wel doen is om te probeer om soveel as moontlik ontwikkelaars betrokke te kry, sowel as om die klimaat vir ontwikkeling te skep deur die daarstelling van goeie infrastruktuur en bekostigbare erwe. Verder bou die Orania Beweging self (met beperkte fondse) bekostigbare behuising wat ons teen uiters lae tariewe verhuur. Ons bou tans 12 gesinswoonstelle wat ons omtrent R500 000 per woonstel kos om te bou en wat ons waarskynlik vir minder as R2000 per maand gaan verhuur. So probeer ons dit vir mense makliker maak om wel in Orania te kan vestig.

      • Sebastiaan 26 Maart 2014 at 12:18 Permalink

        As eiendomsagent ook hier my stuiwer in die ambeurs: ek stem saam dat huispryse in meeste gevalle te hoog is en sekere verkopers in ‘n droomwêreld lewe wat dit betref. In praktyk verkoop omtrent alle huise uiteindelik vir heelwat minder as waarvoor dit geadverteer is, namate eienaars besef dat hulle huis nie verkoopbaar is vir die vraprys nie. Ek het al menige kere vir eienaars gesê dat ek dink hulle pryse is nie realisties nie, maar dan word verwys na ander huise wat net so duur geadverteer is. As ‘n mens egter kyk na uiteindelike verkooppryse, is dit ‘n heel ander storie. As iemand in ‘n huis belangstel, kom dan gerus met ‘n laer aanbod.

  12. Andre 19 Maart 2014 at 13:56 Permalink

    Hi John.

    Ek sien nie veel hier wat met jou verskil nie so ek neem aan as jy praat van:

    “Met wie ek (eintlik net skuinsweg in hierdie artikel)verskil, is diegene wat sonder om ‘n tweede gedagte daaraan te gee, die huidige vet van Suid-Afrika geniet en dan, wanneer probleme onverwags kom, verwag dat Orania vir hulle moet “regstaan” sonder dat hulle ooit ondersteun of belang gestel het.”

    Ek het belang gestel. Om die minste te se ek het trots gevoel die dag toe ek as uitwoner anvaar word. Ek is n aktiewe lid van vele meer organisaies in Suid Afrika wat oor selfbeskiking / oorlog / Afrikaner gaan. Is dit nou op my gemik of lees ek verkkerd?

    • Jaco Kleynhans 19 Maart 2014 at 14:16 Permalink

      Andre,
      John kan ook nog antwoord, maar die Orania Beweging het ‘n baie duidelike antwoord hierop: Dit is JUIS nie op jou gemik nie, maar op die baie mense daar buite wat nie betrokke wil raak nie. Ons uitwoners en ondersteuners is juis die mense vir wie ons hier ‘n toekoms probeer skep deur nou die goed te doen wat Orania hopelik groot gaan maak sodat ons in die toekoms julle almal hier kan huisves. Daar buite is egter baie Afrikaners wat eenvoudig net invidualisties voortstrompel en eintlik die materialisme omhels sonder om te besef dat die Afrikaner in ‘n al hoe moeiliker posisie geplaas word.

      • Andre 19 Maart 2014 at 15:11 Permalink

        Hi Johan.

        Dankie dat jy dinge in n beter perspektief geplaas het. Ek dink nie John is die regte persoon om op julle blog te skryf nie.

        Ek dink wat jy moet (John) besef is dat die mense wat wel belangstel in die Afrikaner en Orania die meeste is wat op julle blog lees. So sal dit beter wees om nie sulkle uitlatings met ons te deel nie.

      • Lance 21 Maart 2014 at 04:20 Permalink

        Jaco. Ek dink die aanhanging van materialisme, is nie die probleem nie. Dit is tog waarvoor ons “suffer” elke dag. Eerder dit as om te kripeer. Die probleem is – wat is jou “backup” plan. As dinge, nee, WANNEER dinge skeef gaan loop, (dit is net ‘n kwessie van tyd..en ons almal weet dit) wat gaan jy dan doen? Ek is self ‘n uitwoner – Orania lid, en beskou dit as een van vele moontlike opsies. Ek stem saam met die ander hier. Huis kostes is absurd hoog in Orania, maar ek verstaan ook dat die vryemark / kapitalistiese lewenstyl en uitkyk wat ons aanhang dit veroorsaak. Ek glo dit is net soveel ‘n pyn in die agter wereld vir julle, as vir ons. Dit gaan tog beide kant toe. Dit keer / verstadig uitbreiding – vinniger uitbreiding en aan die ander kant, keer dit ons, “hier buite”, om makliker soontoe te kan trek… Beslis nie ‘n dilemma wat maklik en vinnig verander kan word nie. Ek het selfs al langtermyn karavaan staan plek daar oorweeg, maar dit is ook nie regtig finansieel ‘n goeie idee nie. Dalk kan die dorpsraad aan so stuk grond werk wat meer bekostigbaar is (wat nie juis vir vakansie gangers bedoel is nie?) Ek probeer ook my dinge so werk, dat ek finansieel ernstig daar kan belê, vir ‘nekstra inkomste, sodat jy dalk met minder geld later daar kan oorleef – iets wat egter nie gou sal gebeur nie, (tensy Mnr L.Otto gaaf begin raak..) Hoe ook al. Die risikos opgeweeg, teen oor die voordele, is wat maak dat ek baie aande hierdie tyd (03h00) nog wakker is. Jy sal (dalk) nie kan raai hoe ek dit mis om net eenvoudig 21h00 in die aand net te gaan loop, rond te gaan loop, uit jou huis te kan gaan en veilig te voel nie. Ek baklei permanent soos ‘n vark met my vrou dat sy nie net moet kan oopsluit en uit die huis kan uitgaan nie. En weet jy – dit is na regte, ons REG om dit te kan doen. Dan begin die planne maak, idees “vrot” dink, want ek weet as ek in hierdie land wil bly, is dit op die einde vd dag net Orania wat oorbly. Ek weet baie ander sit in dieselfde bootjie as ek.

        • Jaco Kleynhans 21 Maart 2014 at 06:44 Permalink

          Lance. Goeie punte. Ons sal goed hieroor moet dink.

  13. Dante' Strauch 21 Maart 2014 at 07:30 Permalink

    Jislaaik ek kan nie glo mense is regtig so sensitief nie! En almal wat so kla oor die huispryse wat so hoog is dink ek vat n kans! Het jul al gaan kyk wat die pryse is van huise op die mark in Orania? Dit lyk vir my heel billik, goedkoper as Pretoria en letterlik die helfde van wat n soortgelyke huis op Lephalale (Ellisras) sal kos.

    • Jaco Kleynhans 22 Maart 2014 at 06:52 Permalink

      Ek stem saam. Ons is nie ‘n tipiese Karoodorpie wat ontvolk en dus met baie goedkoop huise sit nie. Orania moet die Afrikanerstad van die toekoms wees en daarom sal pryse hoër neig.

      • Andre 23 Maart 2014 at 15:13 Permalink

        Hi Jaco.

        Hoeveel mense (+-) bly tans in Orania?
        Al wat ek kry is 1000

        • Jaco Kleynhans 24 Maart 2014 at 08:22 Permalink

          Andre,
          Hier woon 1000 mense in Orania en dit maak Orania reeds die vyfde of sesde grootste konsentrasie van Afrikaners in die Noord-Kaap! Ons dorp groei vinnig en ons wil binne die volgende paar jaar van Orania ‘n klein stad met ‘n Afrikaanse universiteit, privaat mediese sorg en alles wat ons mense nodig het om makliker hier te vestig, hê.

    • Lance 22 Maart 2014 at 09:22 Permalink

      Vat ‘n kans?? Vergelyk dit met huis pryse op ander kleiner / klein dorpe.. Jy vergeet salarisse in die goot / groter stede lyk BAIE anders as in die dorpe / platteland.. Maar soos Jaco sê: NET plekke wat vinniger bevolk as wat hulle uitbrei, sit met soort gelyke behuising / prys probleme. Wat verdien ‘n topklas ambagsman (neem byvoorbeeld ‘n “Mullright” in Orania Dante? En een in Johannesburg? Rustenburg? Ellisras? Ek weet dat BAIE van hulle kla as hy nie rondom R32000 tot R45 000 (en meer) huis toe vat nie.. (saam met sy “standaard” voordele)Kennis van my neem R100 000 plus ‘n maand huistoe. ‘n Rep wat ek ken by ‘n bekende verf maatskapy vat sy R45 000 plus ‘n maand huistoe.. Ek weet van susters wat oor die R20 000 per maand huistoe neem (met so bietjie oortyd..) Sensitief? Yeah right.

      • Dante' Strauch 22 Maart 2014 at 10:58 Permalink

        Lance mens sal seker lank kan redeneer oor hierdie onderwerp en ja ek dink regtig van die mense wat hier kommentaar lewer is oor-sensetief. Wat sommer hul Orania Beweging lidmaatskap wil opgee! In Ellisras verhuur ‘n drie slaapkamer huis vir R 20 000 plus per maand, feit. In Orania is daar netjiese huise vir onder R 500 000 en selfs minder wat ek dink baie billik is. Wat dink jy moet ‘n huis op Orania kos? Verniet? N huis kan tog nie vir minder verkoop as wat die boukoste is nie? Daar sal in elkgeval ‘n premie wees vir eiendom op Orania en dit is ook reg so, jy kan tog nie Orania vergelyk met n plek soos Stydenbug of ander klein dorpies nie! Ek stem wel met jou saam dat daar n tekort aan goed-betalende werksgeleenthede is, maar dit is nie dieselfde as te duur huise nie! As daar meer goed-betalende werke beskikbaar was sou dit in elkgeval huispryse verder opstoot.

        • Lance 23 Maart 2014 at 12:50 Permalink

          Jy is reg. Ek het gedink “verniet”. Onderwerp afgesluit.

        • Andre 23 Maart 2014 at 15:49 Permalink

          Hi Dante’

          Ek (ons) wou nie ons lidmaatskap kanseleer agv huis pryse nie, maar wel op die punt dat as n mens (dis hoe ek dit die eerste keer verstaan het maar Jaco het my reg gehelp) nie op Orania bly nie dat jy nie daarheen sou kan gaan as die oorlog hier is nie.

          • Jaco Kleynhans 24 Maart 2014 at 08:21 Permalink

            Beste Andre,
            Dit is nie waar dat ek sou sê dat wanneer daar moeilikheid in Suid-Afrika kom ons lede nie hier welkom sal wees nie. Dit is juis presies die teenoorgestelde. Mense is lid van die Orania Beweging omdat hulle deel wil wees van Orania en daarom noem ons, ons lede ‘uitwoners’ wat maar beteken dat jul inwoners is wat nog net nie hier kan wees nie.

  14. Louis Kriel 6 April 2014 at 16:12 Permalink

    Hi John, Wat ‘n mooi advertensie vir Orania in die Rapport van vandag. Daardie seun op die bladsy is vir seker ‘n Stydom met ‘n pragtige Doberman. Dink sommer vandag baie aan julle. Mooi loop en groete vanaf Robertson.


Lewer Kommentaar

*