16 Maart 2011 ~ 1 Kommentaar

Orania verloor ‘n vadersfiguur met die afsterwe van prof Carel Boshoff

Geskryf deur Jaco Kleynhans

Professor Carel Boshoff van Orania is vroeër vandag oorlede. Prof Boshoff was die afgelope jaar siek weens kanker en sy gesondheid het veral die afgelope maand ernstig agteruitgegaan.

Prof Boshoff se begrafnisdiens vind plaas op Saterdag, 19 Maart 2011, om 11:00 vanuit die Orania Gemeenskapsaal waarna die teraardebestelling by die Orania Begraafplaas sal plaasvind.

Prof Boshoff het enkele dae voor sy afsterwe aangedui dat sy dood juis sal moet beteken dat Orania vorentoe moet beweeg soos ‘n baba van wie die naelstring afgeknip is. Volgens Jaco Kleynhans, uitvoerende hoof van die Orania Beweging, sal Orania na prof Boshoff se dood verder van krag tot krag gaan.

“Prof Carel was ‘n vaderfiguur in ons gemeenskap, maar soms word dit juis van die kinders vereis om dit wat hul vader begin het, voort te sit en verder uit te bou. Dit was ook prof Carel se laaste wens aan ons.”

Deel/Stuur

Een Reaksie op “Orania verloor ‘n vadersfiguur met die afsterwe van prof Carel Boshoff”

  1. Cesar Ferreira 16 Maart 2011 at 21:40 Permalink

    It is with great sadness that I receive the news of a great and humble Christian man who has been called to be with the Creator.

    Simultaneously the joy of knowing that Carel Boshof has once again been granted the spiritual freedom that we we cannot doubt he deserved.

    So the legacy continues on through his children and loyal followers in South Africa & across the globe.

    SOLI DEO GLORIA

    God seen Suid-Afrika en Die Afrikaner Nasie.


Lewer Kommentaar

*