15 Julie 2013 ~ 7 Kommentare

Brief: Booyens het ideologiese agenda

Geskryf deur Jaco Kleynhans

Hierdie brief het op 30 Junie in Rapport verskyn:

Hannelie Booyens se artikel oor Orania in MyTyd (23 Junie) laat my dink aan ’n fotograaf wat op Photoshop gespeel het en nie kon ophou om aan ’n goeie foto te torring nie.

Groot dele van die artikel is eerlik en in pragtige taal geskryf en wys tereg op talle mooi dinge en ook die leemtes in Orania se mondering, maar die ander helfte is ’n poging om deur afleidings en vooroordele haar eie ideo­logiese stempel af te druk op ’n gemeenskap wat lankal by die ou ideologiese skeidslyne verby is.

Uit die 1 000 inwoners in Orania is 300 skoolgaande in ons twee plaaslike skole. Hannelie dink egter hier is min kinders en dat Orania se ideaal saam met die klompie ou mense hier sal uitsterf. ’n Ernstige joernalis sou die aanname dat Orania net uit bejaardes bestaan, nagegaan het.

Twee helderoranje borde waarop die een besoekers verwelkom en die ander ons gemeenskap se verjaardag aankondig, word as “oranje-geskakeerde volkstaatpropaganda” afgemaak. Orania is juis gekant teen die eng propagandistiese wyse waarop gemeenskappe in Suid-Afrika vandag voorgesê word en het nog nooit so ’n strategie voorgestaan nie.

Ons poging om Kleingeluk, ’n ou woonbuurt vir bruines, te omskep in ’n plek waar Afrikaners uit alle inkomstegroepe tuis voel, word beskryf as ’n groeiende plakkerskamp. Wel, daar is geen plakkershuise in Orania en veral nie in Kleingeluk nie.

Oor die wêreld heen is daar toenemend steun vir minderhede se reg tot selfbeskikking. Minderheidsregte en die idee van vreedsame selfbeskikking (soos in Orania), word as ’n liberale beginsel beskou, maar Booyens beskryf dit as ’n “fanatiese en benouende Christelike lewensbeskouing”.

Sy het duidelik nog nie veel moeite gedoen om oor Quebec, Katalonië, Vlaandere en Suid-Tirool te lees nie. Selfbeskikking raak die inding en nie een of ander agterlike idee soos sy dit voorhou nie.

Deel/Stuur

7 Reaksies op “Brief: Booyens het ideologiese agenda”

  1. Dante' Strauch 15 Julie 2013 at 13:40 Permalink

    Hoeveel joernaliste het dit nie al gedoen nie? Hulle word met vriendelikheid en opregtheid ontvang in Orania, mense praat oop en eerlik met hulle, maar dit word misbruik. Ek is seker wanneer die joernaliste in Orania is is hulle net so vriendelik en belangstellend, maar na die tyd moet jy in die artikel lees wat hulle eintlik gedink het! Ek het al vele berigte oor Orania gelees wat klink asof dit al voor die besoek geskryf is, en wanneer hulle daar kom soek hulle na goed om by hulle vooroordele te pas.

  2. Philip Landman 16 Julie 2013 at 10:29 Permalink

    Die strategie wat Orania aangeneem het ten einde lewensvatbaarheid te verseker is prysenswaardig en getuig van ingeligtheid .

    Orania verdien meer ondersteuning as net n paar sent elke maand aan die Beweging . Mondelingse erkenning behoort in alledaagse gesprekke op n ongeforseede manier gegee te word .

    • Jaco Kleynhans 16 Julie 2013 at 12:43 Permalink

      Philip jy slaap die spyker op die kop. Indien al ons lede en ondersteuners meer openlik Orania verteenwoordig daar waar hulle gaan sal dit baie help.

  3. Sann 16 Julie 2013 at 14:29 Permalink

    Hierdie artikel, waarna verwys word, is maar net nog ‘n spyker in Naspers se doodskis. Vir my is dit genoeg rede om hulle (sonder veel verdere moeite) totaal te boikot. Ek wens regtig dat hierdie soort joernaliste kan besef dat daar baie mense is wat nie verder aan hul neuse sal/wil rondgelei word nie. As Oraniërs (in- en uitwonend) het ons net een keuse: “As mense van jou dinge sê wat nie die waarheid is nie, lewe dan so dat niemand hulle sal glo nie”.

  4. Lieven 16 Julie 2013 at 21:19 Permalink

    dis n algemene ding wat die media dwars oor die wereld doen .Hulle moet mense kan beheer so jy sal nooit n opregte posetiewe berig of film oor orania sien nie want dis n bedryging vir hul siening van hoe die perfekte wereld daar moet uit sien .Belgie sou al lankal ten gronde gegaan het was dit nie vir die media wat anges onder die mense saai oor vlaamdere wat te klein is om selfstandige te staan ….VLAAMDERE drae belgie maar vir die perfekte wereld mag dit nie uitgewys word nie..so om te dink dat naspers n positiewe beeld van orania gaan uit beeld is maar soos in sprokies te glo .waarom was daar geen media berigte oor julle skakel toer nie ? selfde antwoord ……net radio Pretoria gee vir orania opregte bloodsteling . terloops jammer vir die spelling :)

  5. Ludwig 21 Julie 2013 at 15:04 Permalink

    Ek dink ons moet van nou geen meer joernaliste in Orania toelaat nie.

    • mosje 3 Augustus 2013 at 14:57 Permalink

      Jammer, ek dink nie jou idee om joernaliste te verbied van Orania is ‘n goeie een nie. My studie van Orania is nog maar aan’t begin maar soos dit vir my lyk wil hulle juis he joernaliste, politici ens. – van verskillende politiese oortuigings en opvattings – moet ‘n draai daar gaan maak, en word hulle dan ook so welkom en opreg ontvang.

      Wat in hierdie geval gebeur het met die joernalis Booysen lyk vir my na wat “cognitive dissonance” genoem word, te wete waar ‘n bestaande oortuiging van ‘n persoon nie strook met wat werklik ervaar/beleef word nie. Een van die twee moet die stryd sê en in hierdie geval blyk die vooropgestelde idee(s) te sterk ingesetel te wees en dus ten spyte van ‘n tydelike dissonansie wat geheers het wat die persoonlike oortuigingstruktuur se fondamente sterk geruk en dalk momenteel laat verval het, word daar, nadat hierdie bizarre ervaring plaasgevind het waar persepsie en realiteit in stryd was slegs heel gemaklikerwys terugwerkend gerasionaliseer om die vooropgestelde oortuigings te behou. Vandaar die klein bietjie positiewe en korrekte beriggewing, maar die onware stellings was absoluut gefabriseer en onjuis, feite was verdraai in iets onwaar, wetend en deels onwetend deur die joernalis se onderbewussyn.

      Mens moet dan ook onthou dat ons hier te make het met Naspers, soos alreeds aangedui, en die betaler van die pen bepaal die woorde. Om dit te bring by jou stelling dat joernaliste verbied moet word: eerder joernaliste wat duidelik valse beriggewing doen oor Orania, wat dan maklik bewys kan word as vals en sodoende mense ook wysmaak van die verskuilde agendas agter “onse” joernaliste, as wat jy joernaliste uithou en reguit in die hand vd vyand speel: so gee jy bv. die perfekte verskoning vir beriggewing waar luidkeels uitbasuin kan word dat nie eens “onse” joernaliste daar welkom is nie, en daarmee gepaard kan enige drog gespu en spekuleer word. Dit kan nogal skade berokken, dink ek. Hoe wys jy op hul leuens? Help nie jy nooi hulle na die tyd uit nie..

      Maar nou ja soos ek gesê het Orania het al menige joernaliste, dokumentêre vervaardigers, politieke figure ens. daar gehad, en om goeie rede: hulle wil net die waarheid deel met hierdie mense. Ek dink die beleid van dag een was om juis saam met die media te werk. Enige valse beriggewing kan gou op gewys word, en nou boonop nog gestaaf word deur die seker in die honderde reeds berigte artikels, sowel as dokumentêre films.

      So Naspers, stuur liefs nog van jul j(h)oernaliste sodat hul in die openbaar vir ons kan wys hoe ongeloofwaardig hulle rerig is.

      Groete


Lewer Kommentaar

*