29 Oktober 2010 ~ 6 Kommentare

Arme Dinatjie op LitNet

Geskryf deur Jaco Kleynhans

Arme Dina. Ek kry haar regtig jammer. Sy noem Orania ‘verkramp’ en beweer dat ons, onsself ‘toespin in ‘n sogenaamde ‘verkrampte, argaïese web’.

Ek moet dit weer sê: Arme Dina. Sy was duidelik nog nooit op Orania nie en weet nog minder van dit waaroor Orania gaan. Ek wonder of sy die guts het om Quebec in Kanada ook ‘argaïes en verkramp’ te noem? En wat van die Suid-Tirole in Italië en die Kataloniërs in die noorde van Spanje? Wat maak Orania anders?

Dina sê dat sy ons webblad besoek het. Reg bo-aan die Orania-webblad staan ons visie: “Orania is ‘n selfstandige Afrikaner- gemeenskap wat streef na Afrikanerselfbeskikking binne ‘n federale Suid-Afrika.” Ek kan vinnig, vinnig aan ten minste 40 ander volkere in die wêreld dink wat op hierdie stadium presies dieselfde nastreef. Wat maak Afrikaners wat selfbeskikking nastreef anders?

Die probleem is dat mense soos Dina nog in die Apartheids-verwysingsraamwerk leef. Dus word enige inisiatief van Afrikaners vir hul volk se voortbestaan as rassisties, ‘n teruggryp na die verlede en meerderheidwaardigheid beskou. Dit is presies nie wat Orania is nie. Indien Orania groei en meer suksesvol raak sal dit net positiewe gevolge vir Suid-Afrika inhou. Orania gebeur nie ten koste van enige ander Suid-Afrikaanse groepe of selfs individue nie, maar is ‘n inisiatief vir die behoud van een van suidelike Afrika se kleurrykste volkere, die Afrikaner.

Net soos die geval in Quebec, Katalonië, Suid-Tirool en ander plekke in die wêreld waar volkere in ‘n eie geografiese gebied hul taal, kultuur en tradisies behou en beskerm, wil Orania ‘n alternatief vir Afrikaners wees. Letwel ‘n alternatief en nie dié alternatief nie omdat Afrikaners ook individue is en nie noodwendig almal hul eie Quebec wil hê nie. Ons praat dus nie namens alle Afrikaners nie, maar slegs namens Afrikaners wat Orania as ‘n Afrikanertuiste in ‘n eie geografiese gebied, binne ‘n meer federale Suid-Afrika wil uitbou.

Dina: Jammer dat jy ons werwingssms gekry het. Ek het dit geskryf en uitgestuur. ‘Ons mense’ verwys na presies dit wat ek hierbo genoem het: “Afrikaners wat Orania as ‘n Afrikanertuiste in ‘n eie geografiese gebied binne ‘n meer federale Suid-Afrika wil uitbou.”

Ek hoop jy sal Orania nog eendag kom besoek en waarneem dat ons eintlik ‘n baie moderne gemeenskap is. Ons is sekerlik een van die eko-vriendelikste dorpe in Suid-Afrika en ons mense is baie betrokke by moderne inisiatiewe en ons ontvang daagliks besoekers van regoor die wêreld. Hoe geïsoleerd en verkramp kan dit nou wees? ‘n Strooibaalhuis met ‘n sonwaterverwarmer, ‘n droë toilet, hoë spoed internet en twee televisieskottels verkramp?

Jaco Kleynhans

O hoor jy (ook) die magtige dreuning?
Dina

Ek is dikwels gefassineerd deur SMS-advertensies wat ek tydig en ontydig ontvang. Ek wonder altyd op watter vorm ek dan my nommer geskryf het dat hot&single.com my in die hande kan kry. Of Dropzone (‘n klub in Pretoria), wat my steeds twee jaar na ek klaar geswot het, halfses in die oggend probeer oortuig om hul happy hour en nat t-hemp kompetisie te ondersteun.
Nou gistermiddag, so ongeveer 12:30 is ek egter heeltemal onkant gevang toe die Orania-beweging my nooi om my daar in Orania te vestig.
“Orania Beweging skep ‘n veilige toekoms vir Afrikaners in ‘n eie grondgebied. Word deel van ‘n oplossing vir ons mense. Antwoord JA op sms en ons skakel terug.” – lees die ‘aanloklike’ sms/advertensie.
Sjoe. Sien ek toe nou onmiddellik hier in my geestesoog hoe ek elke dag ‘n liter melk, vars uit die koei se speen met my “twintig Ora”-noot, (waarop Trompie pryk met ‘n styfgespande kettie) sal koop. Daarna sal ek in bewondering verby die koeksistermonument huiswaarts loop. Ek sal daagliks op my stoep terugsit, en ‘n dik sny plaasbrood met tuisgemaakte nastergalkonfyt op eet (want toe sien ek nou op die Orania-webwerf, as mens voor 15 November aansluit, kan jy ‘n geskenkpak wen met Orania-produkte, wil jy nou meer).
Ek sien toe verder hoe ek eendag my kinders sal grootmaak in ‘n wêreld waar mense hul eie onwerklike realiteit probeer skep. Ek sien vir my ‘n toekoms waarin ek weier om aan te pas in my eie samelewing, weier om my land en ander mense te aanvaar, en weier om werklike probleme in die gesig te staar. Ek sien hoe ek myself toespin in ‘n kokon, en hoe ek my drade weef van verkrampte, argaïese idees. En hoe dikker ek my toespin, hoe wasiger word my werklikheid.
Hierdie mense moes kies tussen veg of vlug. En as ek dan nou moet kies, kies ek dan maar wragtig nie een van die twee nie, dankie. Want waarvoor moet ek vlug? Die rooi gevaar? Ek hardloop eerder, so vinnig my voete my kan dra, weg van ‘n spul mense met ‘n Amish-agtige visie.
En dan, wie beskou hulle as ‘ons’ mense? Ek is jammer, maar omdat ek iewers op ‘n databasis as Afrikaans gelys is, maak dit my nie deel van ‘julle’ nie. Baie dankie, maar nee dankie. Ek’s heel gelukkig in my multikulturele omgewing, probleme, korrupsie, onregverdigheid en misdaad ingesluit.
Ek kies om vir myself ‘n lewe hier te maak. Dis in elk geval ‘n baie groter uitdaging om die realiteit aan te pak as om in ‘n doringdraad enklawe te gaan krepeer.
So in plaas van ‘JA’ antwoord ek toe:
“Ek stel glad nie belang nie. Ek wil nie deel wees van ‘n beweging met ‘n verkrampte visie nie. Moet my asb nooit weer kontak nie.”
Maar eintlik wou ek eerder graag sê: GET WITH THE F@%*ING PROGRAM.
Want ek kan nie die magtige dreuning saam met julle hoor nie.
Tot later,
Dina

Deel/Stuur

6 Reaksies op “Arme Dinatjie op LitNet”

  1. Frits 29 Oktober 2010 at 14:45 Permalink

    Hehe. Mens kan eintlik net lag vir die vrou, soos U se, duidelik nie n idee wat Orania is nie. Dalk eendag as hierdie “wonderlike” samelewing in SA haar inhaal, sal sy dalk bietjie meer in diepte na Orania kyk.

  2. Gerhardus 29 Oktober 2010 at 15:03 Permalink

    Dit is regtig jammer dat nog baie soos Dina voel. En waarom kan Orania nie namens die Afrikaners praat nie? As jy dan dus nie wil he Orania moet namens jou as Afrikaner praat nie, maak dat soos Dina, en skryf jou boodskappe in Engels en gooi ‘n kragwoord of twee by net om jou punt te wys – dat jy nie regtig omgee of jy ‘n Afrikaner is of nie, maar dit is nog al waaraan jy het om aan te kleef in ‘n werlikheid waaruit jy nie sin kan maak nie.
    Ek is ‘n Afrikaner en Orania kan namens my praat, want hulle praat nie net nie, hulle doen!

  3. Jean Du Plessis 29 Oktober 2010 at 16:10 Permalink

    Dis jammer dat Dina haar ouderdom so weggee. Wil graag sien wat die poppie sê so oor 15 jaar, as sy ook al kinderjies het en hulle mooi groot word in die stad. Dan weer, haal die werklikheid nooit mense in nie, maak nie saak hoe oud hulle is nie :) Wys mens seker dat elke ou se ideaale verskil…ek weet waar lê myne !

  4. Canadian Multi Kulti friends at a party in Singapore 29 Oktober 2010 at 16:24 Permalink

    “GET WITH THE F@%*ING PROGRAM” you write. OUCH! Nice foul attitude and disrespectful language as usual from the nonconstructive likes of your oppinionated pretending to be Multi Kultis. You just go hang out with your kind of people and STOP trying to dictate to us who we are allowed to live with and build a future with ok?

    In a democracy who I want to associate with or live with or speak my own language with is not your business.
    Is that so hard to understand for the likes of you?

    Do you want us to tell you this in 10 different languages so you stop going on and on about insinuating people to be somehow related to Apartheid? Your argument is old, ridiculous and isn’t working anymore

    Engels ok Dinatjie? “in my multikulturele omgewing” Muhahahahahahaha!
    I am astonished what a negative, arrogant and full of self importance tourettes personality this individual has.

    You anti Orania, government hate machine funded angry people in South Africa claim to live in a multicultural society? YOU ARE A NUT CASE. Canada, Europe, The USA, Singapore are multicultural. South Africa aint.

    Minorities are especially targeted for robbery rape and murder. It takes an ignoramus to claim to be living in a multicultural society in South Africa. Multicultural societies do not have organized farm murders, BEE, kill the Afrikaner and farmer songs.

    In Canada we are multicultural. Besides another thing I noticed about staunchly anti Orania people.

    For lack of intelligent argument, your type most often rely on foul language, accusations and false claims of racism and bigotry. I have not seen an intelligent well constructed argument against Orania based on reality and facts. You types most often use profane language, insult and threaten and then later you apologize for perhaps having offended someone. Attitudes like Dinatjie most always include insults threats and foul language. Please consider taking a quality discussion skills class and first pass your woodworking course with an A OK?
    My international friends Dinatjie would love to tell you in Japanese/Nihongo, Korean/hankookmal, Turkish, Tieng-Viet, Bahasa Malayu, Putonghwa/Chinese what nasty and seemingly antisocial uneducated image you make of yourselves. You use the words Multicultural for South Africa with its present problems? Our stomachs are cramping up, laughing so hard at your nonsense attempts to discredit Orania Afrikaners.(yes, a few of us, from all walks of life and countries while drinking Canadian Beer eh are amused, cheers!) What have you build lately and what have you done for your fellow man these days, In Canada we, of all colors say to overly negative people like you. “have another beer eh, you hoser” maybe like you’ll realize the sun is still shinin eh, even with all yer negativity”
    Listen to some good Bob Marley and chill, just leave Orania allone lady and live your little life in peace. Friendly greetings from some Canadians

  5. Philip Nothnagel 3 November 2010 at 09:39 Permalink

    Realiteit? Hiers my realiteit. Ek het vier wonderlike kindertjies en die beste geskenk wat ek aan kan dink om hulle te gee is om hulle in Orania te laat woon. Huidiglik is dit nog nie moontlik nie en ek is vreesbevange dat teen die tyd wat ons kan verhuis sal die prys van my huis in SA so gedaal het en die prys van huise in Orania so gestyg het dat ek vassit buite my “land”! Ek bekommer my nie oor hierdie simpel vrou en haar soort nie, ek bekommer oor my kinders se plek in Orania, want kom ons wees eerlik, daars nie onbeperkte plek nie en potensieel ‘n half miljoen mense wat daar sal wil woon in die volgende 20 jaar! Vou u brein hierom: Orania gaan tot so ‘n mate ekonomies ontwikkel dat dit ‘n stabiliserende rol sal speel vir die hele streek tot so ver noord as Angola. Afrikaanse kennis en ondervinding gaan in groot aanvraag wees in die post Mugabe Suider Afrika waar politiese polarisering sal vervaag en die nood van die massas meer belagrik gaan wees. Die laaste generasie “onderdruktes” is nou aan beheer en wanneer Afrikaners ‘n magsbasis het sal Swart op wit rassisme ook afskaal omdat die sondebok uit die prentjie gaan wees en regerings verantwoordelik gehou sal word vir hongersnood en armoede. Tegnologie sal van Orania gekoop moet word want dit sal te duur wees om vanuit die Westerse lande ingevoer te word. China se geldeenheid sal moet versterk en daar sal hulp en bystand gelewer word in ruil vir Afrika se hulpbronne maar teen ‘n prys wat Afrika aan die kortste ent sal laat trek. Dit sal weereens die Afrikaners wees wat die pot aan die kook gaan hou. Alle vorige teenkanting en vyandigheid teenoor Orania en Afrikaners sal hiermee vervang word met vriendelikheid en respek. Ek is baie trots om lid te wees van die Orania beweging.

  6. Minjounet Minnaar 8 April 2013 at 12:41 Permalink

    Dina kom ek vertel jou gou, as jy in ‘n stad bly waar jou kinders nie eers in jou eie erf kan speel nie dan sien jy dinge in ‘n heel ander lig! Ek moet erken ek het ook my bedenkinge oor Orania gehad, tot ek eers daar was. Ons het ‘n groot besigheid in die stad en ek en my man het saam besluit om alles te verkoop en Orania toe te gaan. Dis maar ‘n lang proses met eiendomme maar ons is sterk oppad…..Orania sien julle een van die dae!!


Lewer Kommentaar

*